اشتغالات

قلبظ : يا راجل .... طيب وانت هتعمل ايه ؟
عم الشيخ : انا هعمل ايه !!! انت بتهزر ... مش الراجل دا عايزك انت ... انا مالى انا بالليلة دى .... طلعنا منها يا عم ... انا معملتش حاجة
قلبظ : طيب وانا مالى انا كمان ... هو انا عملت حاجة ..
عم الشيخ : عملت حاجة!!! .... ياعم انا مالى عملت حاجة ولا معملتش ... مش هو اتكلم وقال عاوزك انت
قلبظ : طيب تعال مايك
عم الشيخ : ماشى
وراح عم الشيخ يدور على بونا
عم الشيخ : بونا ... بونا... رد بسرعة يا بونا
بونا : ايه يا اسطى مالك خير؟
عم الشيخ : تعالى فى الكونفرنس بسرعة قلبظ جاى اهو مايك
بونا : ماشى يا ريس
ورد عم الشيخ على قلبظ ع المايك
قلبظ : ايه يا شيخنا .. عامل ايه
عم الشيخ : الحمد لله ... انا كويس انت عامل ايه ؟
قلبظ : هو الواد بتاع الهاكر عاوز ايه بالظبط ...
عم الشيخ : معرفش .. هو قارفنى كل شوية يقولى هدمرلك الجهاز وهنتقم منك ومن قلبظ
قلبظ : هو فاكر نفسه ايه ....طيب وحياة امه ما يقدر يعمل حاجة دا شكله حمار ولا بيفهم حاجة فى اى حاجة
وطبعا كان بونا سامع وراح طلع واتكلم
زعيم الهاكر : انا حمار يا بن الحمار.... وحياة امك يا سربوت ما بخليك تقعد ع النت
قلبظ : الحق يا عم الشيخ دا جه اهو
عم الشيخ : يا زعيم ابوس ايديك يا باشا ... انا مليش دعوة بالليلة دى... انت لو فى مشاكل بينك وبين قلبظ انا مليش دعوة بيها ..
قلبظ : بقى كدا يا عم الشيخ تتخلى عنى فى عز محنتى
عم الشيخ : اتخلى عنك ايه ... ما انا معاك اهو ... بس انت متمشيش وتسيبه ليا وتقولى بتخلى عنك فى عز محنتك
زعيم الهاكر : انا اريد الانتقام من قلبظ فقط ...
قلبظ : من انا بس ليه ؟؟ هو انا عملت ايه
زعيم الهاكر : لانك سبيت بلدنا ونساءنا . ونحن لا نرضى بذلك ... وبما انك مو محترم ... راح بنخليك محترم غصب عنك
قلبظ: انا محترم غصب عنك .. وعن بلدك كمان ... و...
زعيم الهاكر : " وكان بيتكلم بنبرة صوت حادة بقى" انت ما تقدر تكون شىء غصب عنى ... وانا اقدر اجيبك من بيتكوا راكع على رجليك ... انت ما تعرف مين هو زعيم الهاكر ... تقدر تبحث عن جوجل وتكتب زعيم الهاكر وتشوف مين انا
قلبظ : وانت ما تعرفش مين قلبظ... اكتب قلبظ فى جوجل ... وشوف قلبظ هيبقى عامل ازااى
زعيم الهاكر : والله انك سربوت ... ولازم اخليك تندم على هالكلام ...
عم الشيخ : اهدا يا قلبظ ... اهدا يا زعيم .... دلوقتى طيب يا زعيم بالراحة بس هو غلط فيكوا ازاى؟؟
قلبظ : ايوا انا غلطت فيكوا ازاى بقى؟
زعيم الهاكر : سب اهلينا وارضنا وعرضنا
عم الشيخ : ايوا فاهمين ... انت ايش عرفك بقى ان هو
قلبظ : ايوا بس مش يمكن مش انا ... وابقى مظلوم
طبعا بونا او زعيم الهاكر فضل يقوله انه جاب قلبظ بـ الاى بى بتاعه ... ومش هسيبه الا لما ياخد حقه ...
قلبظ : طيب حقك عليا انا غلطان .... انا كلب ومش هعمل كدا تانى
زعيم الهاكر : الاسف ما بيكفى اخى ما بيكفى
وراح بونا او زعيم الهاكر قايل لعم الشيخ انه يقوله قدام قلبظ انه عاوز يتعلم الهاكر وعم الشيخ راح عامل كدا
عم الشيخ : بقولك ايه يا زعيم ... انا كنت عاوز اتعلم الهاكر وهبقى مطيع معاكوا ومتعاون
زعيم الهاكر : تتعلم ... مين بيعلمك انت يا سربوت يا فاشل انت
قلبظ : ممكن يا زعيم الهاكر اضيف ايميلك عندى
زعيم الهاكر : لازم استرد حق الوطن .. وحق النساء .. وحقى انا
قلبظ : هعمل ليك اللى انت عاوزه انا هبقى تحت امرك
راح زعيم الهاكر " بونا" واخد ايميل قلبظ وكلمه وقاله
زعيم الهاكر: خسئت يالورع
قلبظ : انا !!!
زعيم الهاكر: راح ادعسك على خشمك
قلبظ : دا كنت عاوز ابقى معاكوا
زعيم الهاكر: تبقى معنا كيف هذا ؟
قلبظ: يعنى ابقى بتاع هاكر وكدا
زعيم الهاكر : انت ايش بتعمل ؟
قلبظ : انا محامى معايا ليسانس حقوق
زعيم الهاكر : احنا نحتاج لمحامى للمنظمة كى يخرج اعضائنا الهاكر من السجون
قلبظ: بس انا مش بفهم فى قوانين الهاكر
زعيم الهاكر: وكيف بتكون محامى؟
قلبظ : طب علمنى؟
زعيم الهاكر : يعنى اذا قصدك احد فى قضية هاكر ما تعرف تخرجه منها ؟
قلبظ : لا معرفش
زعيم الهاكر : انت بدك تتعلم الهاكر والدعس على خشوم الناس
قلبظ : ايوا عاوز اكون معاكوا
زعيم الهاكر : طيب ايش بتسمى نفسك ؟
قلبظ : يعنى ايه اسمى نفسك ؟
زعيم الهاكر : يعنى شو بيكون اسمك الهاكرى ؟
قلبظ :المحامى .. اسمى المحامى
زعيم الهاكر : انت تمزح خوى
قلبظ :لا
زعيم الهاكر : نريد اسم مرعب
قلبظ : المجرم السيكوباتى ايه رايك فى دا ؟
زعيم الهاكر : خسئت ما بنريد مرضى نفسيين يعنى انت سيكوباتى الحين وغدا تخترقنا نحن
قلبظ : لا طبعا مقدرش اعمل كدا
زعيم الهاكر : اختار اسم الحين
قلبظ : مش لاقى اسم
زعيم الهاكر : هذه اول صفة تنقصك ... انك غير متوحش ورعديد
قلبظ : ايه رايك فى ريتشارد قلب الاسد
زعيم الهاكر : ريتشارد قلبظ الاسد بتريد تكون تبع الحملة الصليبة ... احنا راح نسميك ابو الهول
قلبظ : الله يسامحك
زعيم الهاكر : ما تزعل .. راح نسميك الكلب المسعور ايش رايك ؟
قلبظ : بقى كدا
زعيم الهاكر : راح نسميك قلبظ المبقلظ
قلبظ : اللى تشوفه
زعيم الهاكر : راح بعطيك موقع تخترقه الحين
قلبظ : بس انا معرفش اخترق مواقع
زعيم الهاكر : طب كيف بتكون معنا وانت ما بتعرف ؟
قلبظ : ما انتو تعلمونى
زعيم الهاكر : يجب ان تعلم ان انك لو اصحبت معنا ... ان اصدقائك اصدقائنا ... واعدائك .. هم اعدائنا
قلبظ : موافق قوى
زعيم الهاكر : اذا بدك حد تريد ندعسه ... راح ندعسه لك الحين حتى نثبت لك كيف بنعامل اعضاء المنظمة
قلبظ : بجد يعنى انا لو اديتك ايميل تقدر تسرقه ؟
زعيم الهاكر : جرب خوى ما راح تخسر شىء
وراح قلبظ كتب ايميل عم الشيخ... وكان زعيم الهاكر " بونا" حاسس ان قلبظ سيس وهيعمل كدا
قلبظ : اهو عاوزاك تسرق الميل دا
زعيم الهاكر : تريد اسرق ايميله فقط ولا ادمرله الجهاز
قلبظ : لالا اسرق الايميل دلوقتى وبعد كدا الجهاز بس الايميل دلوقتى ضرورى
زعيم الهاكر : ليش بدك تسرق ها الميل؟
قلبظ : اصلى عاوز اذل صاحبه واحرق قلبه عليه
زعيم الهاكر : ثوانى خوى وراح بطير ميله
وطبعا راح زعيم الهاكر " بونا " راح واخد المحادثة كوبى وبعتها لعم الشيخ
عم الشيخ : بقى قلبظ يعمل معايا كدا عاوز يسرق ايميلى انا
بونا : ايوا شوفت قلبظ يا عم
عم الشيخ : انا لازم انتقم منه بجد لازم انتقم منه ... دا انا معملتش ليه حاجة وحشة بس خلاص انا هنتقم منه
بونا : هننتقم منه يا اسطى ولا يهمك ... انا هدهولك واخليك تنتقم منه دلوقتى
عم الشيخ : ازاى؟
بونا : غير الاسم بتاع الميل بتاعك وخليه الزعيم ... وغير الحالة " الاستيتس " واكتب عليها تم الدعس بواسطة الزعيم
عم الشيخ : وبعد كدا ؟
بونا : روح كلم قلبظ على انك زعيم الهاكر وانت كدا اللى هتشتغله وتعمل فيه اللى انت عاوزه... وقوله انك سرقت الايميل اللى كان عاوز يسرقه
عم الشيخ : خلاص ماشى جايلك يا قلبظ الكلب

يــــتــــبـــــــع

اشتغالة النهاردة حكاية .... مسخرة .... وطبعاً يمكن تكون الاشتغالة حقيقة ... وممكن تكون من الهوا ... وممكن تكون فيها حقيقة ... والباقى من الهوا

اللى فى الاشتغالة دى

1- قلبظ

2- بونا

3-عم الشيخ
قلبظ وعم الشيخ صحاب من زمان قوى ... وكان فى المدرسة مع بعض ... ومش كدا وبس دول كانوا فى الدكة لازقيين فى بعض ... بس كان قلبظ .... جبان قوى ... مع انه من الحجم العائلى .... وكان غنى قوى ... بس بيدارى على شمعته.... بس كان عم الشيخ بيحبه قوى وكان شايف ان قلبظ غلبان زى عم الشيخ ... بس للاسف ... كان قلبظ دا سوسة .. ومية من تحت تبن...و دا طبعا من زمان

كان قلبظ يتصل بعم الشيخ فى وقت متاخر ... ويقوله :

قلبظ : ازيك يا عم الشيخ عامل ايه

عم الشيخ : ازيك يا قلبظ عامل ايه ...خير يا قلبظ فى حاجة حصلت ..

قلبظ : لا مفيش حاجة حصلت ... انا بس اتصلت عشان اسمعك الاغنية دى

ويروح قلبظ حاطط الاغنية ع الراديو وطبعا عم الشيخ مش بيكون لوحده دا عشان كان التلفون صحى الناس كلها وطبعا عم الشيخ مش عارف يعمل ايه وفجاة....

قلبظ : عم الشيخ ايه رايك فى الاغنية حلوة صح

عم الشيخ : انت رايق قوى يعنى بتتصل الساعة 3 الفجر عشان تسمعنى اغنية

قلبظ : وفيها ايه يا عم
عم الشيخ : فيها انك صحيت البيت والجيران والمنطقة

قلبظ : قول كدا يا جبان .. انت خايف منهم بقى

" انت يا زفت الطين يا قلبظ .... بتعمل ايه ..؟؟"

عم الشيخ : ايه الصوت دا يا قلبظ جاى منين

قلبظ : تيت تيت تيت تيت ......

عم الشيخ : يا بن الجبانة يا عجل

وطبعا كان قلبظ فى حد قفشة وهو بيكلم فى التلفون... فراح قفل السكة فى وش عم الشيخ

ومرت الايام ... وفجاة قرر قلبظ انه يوصل نت ليه ... ولوحده " بن المفترية " وسرعة كام " 512" " يا بن الغنية " ... بس فالح مع عم الشيخ تتدعى الفقر .

ومرة كان عم الشيخ قاعد ع النت .. ولاقى قلبظ جه ع النت

قلبظ : انت بتعمل ايه يا عم الشيخ

عم الشيخ: يعنى الناس لما تتيجى تكلم حد تقوله هاى ... سلاموا عليكوا .. اى حاجة من الحاجات دى ... مش انت بتعمل ايه ؟ وانت مالك يا عم الفحل

قلبظ : فحل .. لالا انت لسانك طويل وعاوز يتقطع ..

عم الشيخ : دا انت اللى عجل وعاوز يدبح .. ويتقطع ... ونخلى الكلاب تاكل منك

قلبظ : ههههههههههههه الله يسامحك يا عم الشيخ .. بقى كدا

عم الشيخ : مش انت اللى بضايقنى

قلبظ : خلاص يا عم حقك عليا ... بقولك ايه شوفلى موقع يكون حلو بقى ...

عم الشيخ : موقع يكون حلو ازاى؟ عندك جوجل ... اكتب عاوز موقع حلو

قلبظ : متهزرش بقى ... اصلى تعبان ... وعاوز موقع يريحينى

عم الشيخ : يريحك .... يريحك ازاى .... أن شا الله عنك ما ارتحت ... يلا ياض من هنا ... يا سيس يا خسيس .. يا حفيد ابليس

قلبظ : وحياة امك ما هنساهالك يا عم الشيخ

وكان كل شوية قلبظ يضايق عم الشيخ ويقعد يبعت فى حاجات ويعمله دنج ويقرفه فى عيشته
وكان عم الشيخ خلاص فاض بيه الكيل ... بس مش عارف يعمل ايه ووهو قاعد ع النت لاقى بونا دخل

بونا : ازيك يا عم الشيخ عامل ايه

عم الشيخ : ازيك يا بونا عامل ايه .,. واحشنى قوى

بونا : وانت كمان انت عامل ايه
عم الشيخ : انا قرفان شوية ومضايق شويتين

بونا : ليه بس كدا

عم الشيخ : اهو بقى من الدنيا وفى واحد ع النت قارفنى فى عيشتى

بونا : ليه بيعملك ايه

عم الشيخ : عمال بيبعتلى دنج ويبعتلى صور ومواقع مش اللى هى

بونا : ياختى يا شريفة انتى هههههه ... تحب اشتغلهولك

عم الشيخ : بجد ..... ازاى ... يا رب يخليك انا عاوز اعمل فى فصل يطلع من مناخيرة

بونا : طيب تعالى مايك

عم الشيخ : ماشى بس هتعمل ايه

بونا : هقولك ع المايك

وبدأ عم الشيخ وابونا يجهزوا للاشتغالة قلبظ

بونا : يلا قول ل قلبظ دلوقتى عاوز اكلمك مايك وخلينى انا فى كونفرنس

عم الشيخ : مش فاهم

بونا : بس انت هتكلم قلبظ عادى خالص مايك .. وانا هكون ع الكونفرنس ومتشغلش المايك فيه عشان اسمع كل حاجة لحد ما اقولك على التكيست تعمل ايه

عم الشيخ : ماشى

وراح عم الشيخ يجر ناعم مع قلبظ وعمال يهزر معاه

عم الشيخ : قلبظ حبيبى .... قلبوظتى الحلوة انتى فين

قلبظ : عاوز ايه يا زفت

عم الشيخ : زفت ... " فى سره وحياة امك لاوريك " ليه كدا يا قلبوظتى تعالى مايك

قلبظ : وهو انتى مزة عشان اكلمك مايك

ع الشيخ : يا قلبوظتى عاوزك فى موضوع ضرورى

قلبظ : لالالالالا مش بكلم الا بنات ع المايك

عم الشيخ : يلا بقى يا قلبوظتى مترخمش

قلبظ : انت مخك تخين ياض ... بقولك لالالا ... لالالالا يعنى لالالالا

عم الشيخ : .... " فى سره يا بن العجل طيب انا هعمل ايه دلوقتى " ... بقى كدا يا قلبظ

قلبظ : ايوا هو كدا... وابوكدا .... وام كدا.... واخو كدا ....

طبعاً عم الشيخ كان خلاص فاض بيه ومش عارف يعمل ايه

عم الشيخ : الحقنى يا بونا .. الحقنى

بونا : ايه اللى حصل ؟

عم الشيخ : قلبظ مش راضى يجى مايك

بونا : ليه ؟

عم الشيخ : بيقول مش بيكلم الا مزز

بونا : الفلاتى بن الف......

عم الشيخ : العمل ايه يا بونا ؟

بونا : تحب اسرقلك إيميله ؟؟

عم الشيخ : تسرق إيميله ازاى؟؟

بونا : ملكش فيه اهو هسرقه وخلاص .. ها ... تحب ؟

عم الشيخ : مممممممممممممم ... لا يا عم حرام ... وكمان مهما كان دا صاحبى ومقدرش اعمل معاه حاجة زى كدا

بونا : طيب خلاص براحتك

عم الشيخ : طيب والاشتغالة ؟؟

بونا : ما انا مش عارف اعمل ايه ... استنى ... هقولك ... قوله هديك هقولك على خبر حلو قوى بخصوص اى حاجة هو بيحبها

عم الشيخ : حاجة بيحبها ازاى؟

بونا : اتصرف بقى يا اخى

عم الشيخ : طيب خلاص هفكر فى حاجة واقوله

وعم الشيخ قعد يفكر طيب اقوله ايه .. اقوله ايه .....

وفجاة.....

بونا : عم الشيخ .... عم الشيخ

عم الشيخ : نعم يا بونا

بونا : هات ايميل قلبظ

عم الشيخ : يا عم مقدرش دا مهما كان صاحبى

بونا : يا عم متخفش هعمل نفسى مزة و اشتمه واسيبه واخليه يجى هو اللى يكلمك كمان

عم الشيخ : خلاص ماشى حد إيميله اهو " ....:@ ياهو . كوم "

طبعا بونا كان عاوز يضحك ... وما صدق انه لاقى قلبظ عشان يضحك عليه

وراح بونا عمل إيمي جديد اسمه زعيم الهاكر .. وراح ضاف قلبظ ... ودخل عليه
قلبظ : إيه الايميل دا ؟؟؟ زعيم الهاكر ؟؟؟

راح قلبظ جرى على عم الشيخ

قلبظ : عم الشيخ عم الشيخ ... الحقنى يا عم الشيخ

عم الشيخ : " يا بن الايه يا بونا .. دا إنت طلعت جامد قوى" نعمين يا سى قلبظ

قلبظ : فى واحد اسمه زعيم الهاكر عاوز يضفنى اعمل ايه ؟؟

عم الشيخ : " يا بن المجنونة " طيب مش يمكن حد انت تعرفه وبيهزر معاك

قلبظ : قالى ... اوعى يكون انت

عم الشيخ : انا .... يا عم ما انا بكلم معاك اهو... وكمان هو انا ههزر معاك كدا

وراح عم الشيخ لــ بونا

عم الشيخ : انت هتستعبط بقى ولا ايه ... احنا قولنا نشتغله بس مش نسرقه

بونا : براحة بس ... براحة ... قوله بقى يكلمك مايك عشان يتاكد ... وهاتنى انا بقى على الكونفرنس بس خلى المايك مفتوح من عندك وانا هقفله من عندى .... انا قولتلك مش هسرق إيميله عيب عليك يا صاحبى

عم الشيخ : " انت هتفشر هو انت بتعرف تسرق ولا تعمل حاجة .. كتكوا النيلة مليتوا البلد" طيب ماشى

وراح عم الشيخ ... يكلم ... قلبظ ...

عم الشيخ : بقولك ايه قلبظ انا مش فاهم منك حاجة هنا تعالى مايك

قلبظ : مايك ايه ما انا قولتلك

عم الشيخ : فهمنى اكتر يمكن اقدر اساعدك

قلبظ : افهمك ايه .. انت حمار

عم الشيخ : " يا بن التخين " .... خلاص انا غلطان يا رب يطلع هاكر ويحرقلك الجهاز

واول ما قلبظ سمع حكاية يحرق الجهاز راح جرى .... واتصل بيه ع النت
وطبعا عم الشيخ .. ما صدق انه يحارب قى قلبظ ويضايقه شوية

عم الشيخ : انت بتتصل ليه عاوز إيه؟

قلبظ : ازيك يا حبى ؟عامل ايه ؟ واحشنى قوى

عم الشيخ : هو انا البت بتاعتك عشان تقولى الكلام دا

قلبظ : ياخى ياخدك ربنا ... قلة ادب مش نافعة معاك ... ولا الزوق نافع معاك

وفجأة جه الصوت دا

: إيش يا قلبظ ..... ليش ما بتحترم حالك ؟

عم الشيخ : مين دا قلبظ ؟

قلبظ : انت هتستعبط ؟

عم الشيخ : يا عم هستعبط ليه انت اللى متصل

: إيش يا قلبظ ... أيش بيك يا فحل العرب

وراح قلبظ من خوفه شال فيشة الكمبيوتر ومسك الموبايل واتصل بعم الشيخ وفى الوقت دا كان بونا بيكلم عم الشيخ ويقوله

بونا : هو قلبظ راح فين ؟

عم الشيخ : مش قادر امسك نفسى من كتر الضحك .... يخرب عقلك ... إيه دا بيتصل ع الموبايل

ورد عم الشيخ على قلبظ

قلبظ : عم الشيخ ... الحقنى يا عم الشيخ

عم الشيخ : ايه يا بنى انت روحت فين؟؟ انت مش على النت ليه؟

قلبظ : انا فصلت الفيشة يا عم

عم الشيخ : " هيموت من كتر الضحك " ليه يا بنى هو ايه اللى حصل ؟

قلبظ : يعنى انت مش عارف ... مين دا ؟

عم الشيخ : ايه يا عم فى ايه ... بالراحة مش انت اللى متصل ... وبعدين انا لومعايا حد هقولك .. وبعدين انت بتعمل عليا فيلم

قلبظ : لالا والله ... انا بتكلم جد وانا هشتغلك ليه

عم الشيخ : وانا كمان هشتغل ليه... بص ادخل ع النت نعرف ايه الحكاية

وراح قلبظ سمع كلام عم الشيخ ودخل ع النت

قلبظ : عم الشيخ .... هو فين بقى الراجل اللى قال اسمى

عم الشيخ : بقولك ايه يا قلبظ ... انا مليش دعوة الموضوع دا متوجعش دماغى هو قال قلبظ .....قالى اسمى ... لا

قلبظ : طيب اتصل انت المرة دى لما نشوف

عم الشيخ : " يا بن الزكية " طيب لما نشوف

وطبعا كان عم الشيخ حاطط بونا فى الكونفرنس ومسمعه كل حاجة وكانوا عارفين هما بيعملوا ايه

قلبظ : يعنى مجاش يا عم الشيخ

عم الشيخ : وبعدين معاك ياض انت .. انا مالى هو جه لما انت اتصلت ... يمكن يكون عامل هاكر على جهاز .. اتصل انت ...ممكن يكون ناوى يعمل فى جهازك حاجة وحشة

راح قلبظ من غير ما يقوله هقفل ولا لا .... طاخ قفل المايك ... وبسرعة راح متصل بعم الشيخ

عم الشيخ : تعرف ياض يا قلبظ .... انت اجبن واحد شوفته

قلبظ : الله يسامحك يا عم

زعيم الهاكر : مرحبا يا فحل العرب..... بدى اخليك تعمل رستارت للجهاز تبعك ... كى افجره ...

قلبظ : انت عاوز عم الشيخ ولا عاوز مين ؟

عم الشيخ : " يا بن الكلب يا قلبظ عاوز الواد يهكر عليا " انت مين يا عم الحاج وعاوز ايه ؟

زعيم الهاكر : انا زعيم الهاكر ... وبدى انتقم من قلبظ ... لانه سب بلدنا .. وقال كلام مو زين على عرضنا وشرفنا

عم الشيخ : ياراجل .... قال كدا ... يخرب بيتك يا قلبظ

قلبظ : لالالا يا زعيم .. انا عمرى ما اغلط فى حد ... انا برىء ...انا

زعيم الهاكر : انت كداب يا سربوت يا فحل العرب .. اخرس

قلبظ :انت شكلك كداب ... وتلاقيك لا زعيم ولا حاجة ... انت هتشتغلنى

زعيم الهاكر: كداب .... انا كداب ..... يا فحل الفحول .... يا عجل مقفول ... والله راح اخترق جهازك واحرقهولك

وطبعا اول ما قلبظ سمع ان جهازه هيتحرق .... راح شال الفيشة تانى .... بس المرة دى متصلش بعم الشيخ

وكان بونا وعم الشيخ عمالين يفطسوا من كتر الضحك على قلبظ

بونا : هو قلبظ دا جبان قوى كدا ... انا مشفتش كدا عمرى

عم الشيخ : انا برضوا اول مرة اشوفه جبان قوى .... انا عارف انه جبان بس جبان قوى كدا هههههههههههه

عدى يومين وكان عم الشيخ قاعد ع النت وحصل الاتى

قلبظ : send nudge عم الشيخ عم الشيخ

عم الشيخ : قلبظ ... انت فين يا عم ... روحت فين " لما اضحك عليه شوية واصيع "

قلبظ : انا هنا اهو انت عامل ايه ؟

عم الشيخ : انت اوف لاين ليه .؟

قلبظ : انت مش عارف يا عم بتاع الهاكر اللى كلمنى اخر مرة

عم الشيخ : يعنى هو انت لما تبقى اوف لاين مش هيعرفوا يجبوك .. صحيح ... الزعيم مش راضى يسيب الجهاز بتاعى ... وبيقولى هحرق الجهاز بتاعك انت وصاحبك

قلبظ : يا راجل .... طيب وانت هتعمل ايه ؟

يــــتــــبـــــــع